Sunday 24 August 2014

Umbongo ''ZIHLABANA NJE ZIYALAMBA'' : Ngu W. Shasha




ZIHLABANA NJE ZIYALAMBA : Ngu W. Shasha

Zihlabana nje ziyalamba
Govu! Bhokro-o-o-o zahlabana!
Nanzi iimazi zamasi!
Nanzi iinkab’ ezimaxhaka!
Zivalelwe kwithango labathakathi
Ingca ziyayiphoselwa;
Kodw’ uqaqaqa udlal’abantwana;
Kusikwa ngerhenqe kuphoswe;
Zihlabana nje ziyalamba;
Zihlabana nje ziyalamba!

Bayahluth’ abazisengayo,
Basengel’ eselweni nasemlonyeni,
Kodwa abavumi kuzivulela;
Banya bethe qhutsu kuba ziyakhaba
Bath’ abakahluthi  ngumphethi!
Zihlabana nje ziyalamba;
Zihlabana nje ziyalamba!

Bekungasekho nempunde na
Enokurholihlahl’ ivulisango?
Sakuyithiya sithi ‘’Rolihlahla’’
Siphinde sithi kuye ‘’vulisango’’
Zophuma zigramz’ uqaqaqa;
Zithwal’ amatshoba zigqotsa!
Tyhini nam ndadloba
Kwanga ke ngoku sekunjalo!
Akusentsuku zatywa-a-ala!
Nde-e-e-gram ndawudl’ uqaqaqa!
Zihlabana nje ziyalamba;

Zihlabana nje ziyalamba!
Posted by at

19 comments:

  1. Sisonke Mlamla24 August 2014 at 02:11

    Lo ngomnye wemibongo endiyithandayo kunene nendikhuthazayo apho oka Shasha ezama ukusikrobisa ukungonwabi nokuxhaphazeka nokukhonkxeka kwabantu abantsundu, ngoko ke kuko konke okwenziwa ngamagqala omzabalazo masikuxhamle, sibuyise ingqondo yemveli, ingqondo yokuLima, neyokufuya.

    ReplyDelete
    Replies
    1. Unknown14 January 2016 at 09:40

      Zihlabana nje ziyalamba'xakunamhlanje abo babesithi balwela elilizwe kuba bethanda abantu abantsundu babethetha ulwimi etywaleni.Ngokuba uqaqaqa ungakukubo bawutya bawetyise bawutyekeze banyantsule banye uhlaza logama umlisela nomthinjana isitya imbiba.

      Delete
    2. Unknown14 January 2016 at 09:46

      Zihlabana nje ziyalamba'xakunamhlanje abo babesithi balwela elilizwe kuba bethanda abantu abantsundu babethetha ulwimi etywaleni.Ngokuba uqaqaqa ungakukubo bawutya bawetyise bawutyekeze banyantsule banye uhlaza logama umlisela nomthinjana isitya imbiba.

      Delete
    3. Unknown7 March 2017 at 20:21

      Nam ndiyangqina,,, (Nanzi) nazi

      Delete
  2. Money Moves21 November 2015 at 10:07

    Kukhona impazamo ozenzileyo ngoku ubukhuphela lo mbongo

    ReplyDelete
    Replies
    1. Unknown7 March 2017 at 20:18

      Khawuze nazo singakuthakazela ukulungiswa

      Delete
  3. Unknown2 March 2016 at 16:05

    Ndinganqwenela kubekwe ingqwalasela phaya kumqolo wesi-3 nowe-4, ngaphandle koko ndithi maz'enethole ku-Mnu Welile Shasha ngegalelo lakhe kuncwadi lolwimi lwenkobe.

    ReplyDelete
  4. Unknown28 July 2016 at 09:04

    zihlabana nje ziyalamba ndibethwa bubuyilo ukuba bendiliciko ngendihlalutya lombongo ngawomazwi lala ngoxolo Shasha

    ReplyDelete
  5. Unknown28 July 2016 at 09:06

    sisonke ndicela uqhubeke nokubhala imibongo simnandi isixhosa zidwesha nani zidweshakazi

    ReplyDelete
  6. Unknown28 July 2016 at 09:07

    sisonke ndicela uqhubeke nokubhala imibongo simnandi isixhosa zidwesha nani zidweshakazi

    ReplyDelete
  7. Unknown28 July 2016 at 09:07

    zihlabana nje ziyalamba ndibethwa bubuyilo ukuba bendiliciko ngendihlalutya lombongo ngawomazwi lala ngoxolo Shasha

    ReplyDelete
  8. Unknown10 November 2018 at 04:35

    Zihlabana nje Ziyalamba ngenene, kumbula ilizwe lethu uba lilwelwe nzima kanjani, bajongeni kodwa ngoku uba benza ntoni ngalo.

    ReplyDelete
  9. Unknown23 May 2019 at 03:49

    Yhoooo ndiyawuthanda lombongo man

    Ndeeeegram ndawudl'uqaqaqa

    shuuuuuuu Simnandi isiXhosa ntozakuthi

    ReplyDelete
  10. Unknown13 August 2019 at 04:47

    Ndiyawuthanda kakhulu lombongo

    ReplyDelete
  11. Unknown14 October 2019 at 23:14

    Yakwabani lencwadi ka Welile Shasha into zophuma kwangoko esikolweni. Ndegramm iyhoo

    ReplyDelete
  12. Unknown18 February 2020 at 06:24

    Kwek madoda ndingathini na

    ReplyDelete
  13. Unknown30 October 2020 at 01:07

    Yenye yemibongo endikhule ndiyithanda lena

    ReplyDelete
  14. Unknown14 April 2022 at 07:07

    Intsingiselo yawo ithwe cihoho lilobke ifihlakele kodwa ngokuwufunda uyavakala ukuba uthetha ngantoni ngxatshoke nto kaShasha

    ReplyDelete

Subscribe to: Post Comments (Atom)